পৃষ্ঠা:মণিকুট.djvu/৫০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৬
মণিকূট৷

দধি, দুগ্ধ, ঘৃত যে পায়ঁস।
পঞ্চামৃত, মধু, ষড় ৰস॥
থালত থোৱয় ভাগে ভাগে।
নিৱেদয় মাধৱৰ আগে॥১৪৬
পূজা পায়া আনন্দ লভয়।
পাছে প্ৰভু ভোজন কৰয়॥
মাধৱে ভুঞ্জিলা হেন জানি।
বিপ্ৰসবে বাহিৰক আনি॥১৪৭
ভাগ কৰি সবে বাণ্টি দেই।
কতো খাই, কতো গৃহে নেই॥
দিনে দিনে জানা এহি লয়।
পূৰ্ব্বাৱধি চলিয়া আছয়॥১৪৮
শুনিয়োক সভাসদ জন।
কৃষ্ণ কথা কৰিয়ো কীৰ্ত্তন॥
তাহান চৰিত্ৰ শুনা-কৰ্ণে।
হৰিৰূপ চিন্তিবোহো মনে॥১৪৯
হস্তে কৰা তান কৰ্ম্ম নিতে।
পদে যাইবা হৰিৰ নিকটে॥
হৰিৰ মূৰ্ত্তি চক্ষুয়ে চাহিবা।
নাসিকায়ে নিৰ্ম্মাল্য ঘ্ৰাণিবা॥১৫০