এই পৃষ্ঠাটোৰ বৈধকৰণ হৈছে
৩৩
মাহাত্ম্যখণ্ড ৷
কতো তাল ধৰি নাম গাৱে।
ৰসত মজিয়া প্ৰেম ভাৱে॥
সাক্ষাততে ৰাজহংস প্ৰায়।
প্ৰেমানন্দে হৰি গুণ গায়॥১৩১
পাছে নাম অৱসান কৰি।
নিৰন্তৰে বোলা হৰি হৰি॥
নাম সাঙ্গে জম্মাদ্য ডাকয়।
পাছে বিপ্ৰে ভাগৱত কয়॥১৩২
নিৰন্তৰে শুনে কৰ্ণ ভৰি।
মন-বুদ্ধি সাৱধান কৰি॥
ভাগৱত অমৃত সাগৰে।
ডুব দিয়া থাকে নিৰন্তৰে॥১৩৩
ক্ষুধা, তৃষ্ণা, একোৱে নবাঁধে।
কৰ্ণৰ তৃপিতি মাত্ৰ সাধে॥
পাছে ভাগৱত অৱসানে।
আগুৱাই গায়ন বায়নে॥১৩৪
সেহি বেলা প্ৰভু ৰঙ্গ কৰি।
দৌলহন্তে বাজ হুয়া হৰি॥
আসি পাছে নাট মন্দিৰত।
বসে প্ৰভু সিংহ আসনত॥১৩৫
৫
