এই পৃষ্ঠাটোৰ বৈধকৰণ হৈছে
২৯
মাহাত্ম্যখণ্ড।
উত্তৰ দিশৰ দ্বাৰখন।
নিৰ্ম্মি আছে দেখিতে সুঠান॥
আৰু এক দ্বাৰ পচিমত।
তাৰ কথা কহিবোহো কত॥১১১
দক্ষিণৰ যিবা দ্বাৰখন।
প্ৰৱন্ধে যে কৰিছে নিৰ্ম্মাণ॥
গড় মাজে আছে গৃহ কৰি।
যাত ভক্তে থাকে নাম ধৰি॥১১২
ঠাই ঠাই আৰাম পাতিয়া।
নানা বৃক্ষ আছন্ত ৰোপিয়া॥
নাৰিকেল বেল আমলকী।
শ্ৰীফল, খাজুৰী, হৰিতকী॥১১৩
কণ্টকী, লেতেকু, পনিয়াল।
আম, জাম আছে ভাল ভাল॥
হেলঞ্চ, আমৰা, কৰদেই।
ডিম্বৰু লাগিছে থোক হই॥১১৪
তেন্তেলী, থেকেৰা, জৰা, তাল।
বদৰী আছয় ভাল ভাল॥
জেনৰ জামীৰ যত ৰস।
সুমিত্ৰা যে পৰম সুৰস॥১১৫
