এই পৃষ্ঠাটোৰ বৈধকৰণ হৈছে
১৪
ভটিমা ৷
কলকি ৰূপে ভকত তাৰি
কৰবি ম্লেচ্ছ উচ্ছান।
সোহি হৰি তেৰি কৰত নিত
মুকুতি মঙ্গল বিধান।৷
কৃষ্ণৰূপে পৰম ঈশ্বৰ
ভেলি লীলা অৱতাৰ।
যাকো নাম গুণ শ্ৰবণ কীৰ্ত্তন
কৰত জগত উদ্ধাৰ॥
যোহি অঘ বক কংস কুবলয়
কয়ল মাৰি নিৰযাণ।
সোহি হৰি তেৰি কৰত নিত
মঙ্গল মুকুতি বিধান॥
যাহে মহিমা ব্ৰহ্মা শঙ্কৰ
কহতু অন্ত ন পাই।
যাকো নাম ধৰি মুনিবৰ পামৰ
দোহোঁ এক গতি পাই।৷
যাহে ভকতি শকতি ঐসন
নিগম সব পৰমাণ।
সোহি হৰি তেৰি কৰত নিত
মঙ্গল মুকুতি বিধান॥
