এই পৃষ্ঠাটোৰ বৈধকৰণ হৈছে
তৃতীয় : ভক্তি বিশেষণ বিৰচন
পদ
কহিবাক প্ৰতি ভকতিৰ বিশেষণ।
পুনৰপি মই আৰম্ভিলো বিৰচন॥
বহুবিধ মাধৱৰ ভকতি আছয়।
তাহাতে প্ৰধান নৱ বিধ অতিশয়॥৪৪৭॥
প্ৰথমতে তাক মই দেখাইবাক প্ৰতি।
কহো প্ৰহ্লাদৰ যেন বচন সম্প্ৰতি॥
শ্ৰৱণ, কীৰ্ত্তন, পদ-সেৱন, স্মৰণ।
অৰ্চ্চন, বন্দন, দাস্য, দেহ-নিবেদন॥৪৪৮॥
সখিত্ব সহিতে নৱ বিধ এহি মান।
ইহাৰ লক্ষণ শুনা যাৰ যেন ঠান॥
অন্যে বা আপুনে গুণ নাম উক্ত কৰে।
তাহাকে শ্ৰৱণ বুলি কৰ্ণে যাক ধৰে॥৪৪৯॥
নিজ মুখে উচ্চাৰিলে বোলয় কীৰ্ত্তন।
মনে নাম ৰূপ সুমৰণক স্মৰণ॥
প্ৰতিমা আদিত পৰিচৰ্য্যা সাধাৰণ।
কৰে যিটো বুলি তাক পদ-নিসেবন॥৪৫০॥
