এই পৃষ্ঠাটোৰ বৈধকৰণ হৈছে
ত্ৰয়োদশ : শৰণ বিৰচন
পদ
পুনৰপি আৰো আৰম্ভিলো বিৰচন।
কৰো নিৰূপণ এবে কেৱল শৰণ॥
লোকত বেদত যত কহিছে সাধন।
সিসব সাধন হীন ভৈল যিটোজন॥১১৪৪॥
ভগৱন্ত মাধৱৰ অভয় চৰণে।
আছয় শৰণ লৈয়া কায়বাক্য মনে॥
আন দেৱাদিৰ সেৱা যদ্যপি নকৰে।
তথাপি সবাৰে সেৱা সিজে নিৰন্তৰে॥১১৪৫॥
কৰভাজনৰ বাক্যে প্ৰমাণ লৈয়োক।
নিমিক বোলন্ত মহাৰাজ শুনিয়োক॥
পিতৃ ভুতপতি দেৱ ঋষি সুহৃদৰ।
উপজিলে আসম্বাৰ ঋণী হৱে নৰ॥১১৪৬॥
হোমে দেৱ ঋণ সুজে তৰ্পণে ঋষিৰ।
বলিদানে ভূতৰ শ্ৰাদ্ধ আদিয়ে পিতৃৰ॥
সমভাবে সুহৃদ সবৰ সুজে ঋণ।
এহিমতে ঋণী সদা ভকতি বিহীন॥১১৪৭॥
