এই পৃষ্ঠাটোৰ বৈধকৰণ হৈছে
১৯৬
ভক্তি-ৰত্নাৱলী
কিন্তু তোমসাৰ অপৰাধৰ নিমিত্ত।
হৌক আমসাৰ জন্ম নাৰকী যোনিত॥৯১১॥
তথাপিতো যেন ঈশ্বৰক নপাসৰো।
এহি মানে প্ৰাৰ্থনা তোমাত আমি কৰো॥
জয় বিজয়ৰ বাক্য এহি মানে থওঁ।
ৰাজাগণ বাক্যে পুনু এহি অৰ্থ কওঁ॥৯১২॥
জৰাসন্ধে যত ৰাজা আছে বন্দি কৰি।
মেলাইলা সবাকো জৰাসন্ধ বধি হৰি॥
মাগয় কৃষ্ণত বৰ সেহি ৰাজাগণ।
কৃতাঞ্জলি হুয়া সবে বোলন্ত বচন॥৯১৩॥
হেন মত উপায় দিয়োক নাৰায়ণ।
সংসাৰে ভ্ৰমন্তে যেন তোমাৰ চৰণ॥
নপাসৰো আমি সদা যিসব উপায়।
এহি মহা অনুগ্ৰহ কৰা যদুৰায়॥৯১৪॥
বুলিবা তথাপি হৈব সংসাৰৰ দুঃখ।
নুহিবেক এক হৰি স্মৰণৰ সুখ॥
নুবুলিবা হেন শুনা ইহাৰ উত্তৰ।
কৃষ্ণে দিয়া চিত্ত বৃষ্ণিবংশ নিৰন্তৰ॥৯১৫॥
শয়ন ভোজন স্নান ক্ৰীড়া আদি কৰি।
কৰন্তে থাকয় যদা দেহক পাসৰি॥
দুঃখ পাসৰিবে হুহি আশ্চৰ্য্য ইহাত।
ভগৱন্ত বাক্যে লৈয়া প্ৰমাণ সাক্ষাত॥৯১৬॥
