এই পৃষ্ঠাটোৰ বৈধকৰণ হৈছে
১৫৫
পঞ্চম বিৰচন
বুলিবি ব্ৰাহ্মণ মহা পাতকী প্ৰধান।
কৰিলে সমস্তে পাপ আছে যতমান॥৭২৭॥
অনেক সহস্ৰ বাৰ কৰিয়াছে নিত্য।
কৰে যদি ইটো কোটি কোটি প্ৰায়শ্চিত্ত॥
তথাপিতো পাপ নষ্ট নুহিকে ইহাৰ।
একে নামে হৈবে কেনে পতিক সংহাৰ॥৭২৮॥
ইহাৰ উত্তৰ দেওঁ শুন দূতগণ।
ব্ৰাহ্মণৰ সুৱৰ্ণক হৰে যিটো জন॥
মিত্ৰ দ্ৰোহ সুৰাপান ব্ৰহ্ম বধ কৰে।
স্ত্ৰী বধ ৰাজবধ গুৰু ভাৰ্য্যা হৰে॥৭২৯॥
গো বধ পিতৃবধ কৰে দুৰাশয়।
সংসাৰত আছে আনো যত পাপচয়॥
সমস্তৰে মুখ্য প্ৰায়শ্চিত্ত হৰিনাম।
উচ্চাৰন্তে হোৱে নষ্ট পাতকৰ দাম॥৭৩০॥
নকৰিবি দূতচয় ইহাত সংশয়।
যিটো জনে মুখে হৰিনাম উচ্চাৰয়॥
ইটো মোৰ ভৈল বুলি প্ৰভু ভগৱন্ত।
সমস্ত ভয়ত তাক ৰাখিয়া ফুৰন্ত॥৭৩১॥
এতেকেসে শ্ৰেষ্ঠ প্ৰায়শ্চিত্ত হৰিনাম।
আত যম দূত শঙ্কা কৰ কোন কাম॥
মনু প্ৰতি মুখ্য কৰি যত ব্ৰহ্ম বাদী।
বিহিয়া আছন্ত যত যাগ যোগ আদি॥৭৩২॥
