এই পৃষ্ঠাটোৰ বৈধকৰণ হৈছে
১৪৯
পঞ্চম বিৰচন
ইহাক জানিও যিটো নকৰে কীৰ্ত্তন।
সিটো অধমৰ জানা নিষ্ফল জীৱন॥৬৯৪॥
যাৰ বচনত কৃষ্ণ গুণ নাম নাই।
তাৰ বাক্য পাঠ আদি ব্যৰ্থ সমুদাই॥
জগত পৱিত্ৰকাৰী কৃষ্ণৰ চৰিত্ৰ।
নকৰে গ্ৰহণ যিটো বাক্যে কদাচিত॥৬৯৫॥
যদি চিত্ৰ বিচিত্ৰ বচন সৰ্ব্বোত্তম।
তথাপি জানিবা উচ্ছিষ্টৰ গৰ্ত্ত সম॥
কাক তুল্য কামাতুৰ নৰ যিটো জন।
সিসি সৰ্ব্বক্ষণে কৰে তাহাতে ৰমণ॥৬৯৬॥
ৰাজহংস সদৃশ পৰম সাধুনৰে।
শুদ্ধ সত্ত্ব মন সৰোবৰে মাত্ৰ চৰে॥
কৃষ্ণ পাদ-পদ্মে বাস কৰয় কেৱল।
কৰে পান কৃষ্ণ যশ জল সুনিৰ্ম্মল॥৬৯৭॥
যেহেন প্ৰসিদ্ধ যত ৰাজহংসচয়।
কেৱলে মানস সৰোবৰত চৰয়॥
কৰে বাসা কমনীয় পদ্ম সমুহত।
বিচিত্ৰ অন্নাদি যুক্ত উচ্ছিষ্ট গৰ্ত্তত॥৬৯৮॥
কদাচিতো তাত ৰাজহংস নপৰয়।
জানিবা কাকেসে মাত্ৰ সদায় ৰময়॥
দেখাইলো কৃষ্ণৰ গুণ নাম নাহি যাত।
অপৱিত্ৰ সিটো বাক্য জানিবা সাক্ষাত॥৬৯৯॥
