এই পৃষ্ঠাটোৰ বৈধকৰণ হৈছে
৩৭
বৈষ্ণৱী কীৰ্ত্তন।
ৰাগ অহিৰ।
কেশৱ হে হামাকেৰি ৰাখহু প্ৰাণ।
নিজ কিঙ্কৰীক জীৱন দেহু দান॥
তৱ পদপঙ্কজ জীৱন জগবাস।
কয়লো কমলনয়ন চিৰ আশ॥
বিপদ-পয়োনিধি পৰলো মুৰাক।
দীন-বান্ধৱ দেৱ উদ্ধাৰা হামাক॥
পাপী শিশুপাল কাল ভেলি মেৰি।
তোহাৰি চৰণে শৰণ লৈলো হৰি॥
গতি গোবিন্দ বিনে নাহি আন।
কক্মিণী কৰুণা কৰু শঙ্কৰে ভাণ॥
কোমল গীত।
কৰতলকমল কমলদলনয়ন।
ভৱদৱদহন গহনবনশয়ন॥
নপৰনপৰপৰ শতৰত গমৱ।
সভৱঅভৱ ভৱ মমহৰ শততৱ॥
খৰতৰবৰশৰ শতদশবদন।
খগচৰ নগধৰ ফণধৰ শয়ন॥
জগদঘ মমহৰ ভৱভয়তৰণ।
পৰপদলয়কৰ কমলজবয়ন॥
