পৃষ্ঠা:বীণ-বৰাগী (Bin-Baragi).pdf/১০

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


মান অপমান ঢৌৱাই যাওক
                  পৃথিৱীৰ পৰা গুচি
নতুন সৃষ্টিৰ অৰুণ কিৰণে
                  কৰোক সকলো শুচি৷
দুখ লাজ ভয় নাথাকিব আৰু
                  ―নতুন জগৎ সিটো,
হেৰোৱা বীণৰ আনন্দৰ সুৰ
                  বাজিব দিনৰে দিনটো৷
দুখ দূৰ কৰি জগৎ উদ্ধাৰ
                  কৰাঁহে জগৎস্বামী৷
নীচ হৃদয়ৰ নীচ অঙ্কাৰ
                  হওক অধোগামী৷

৷৷৩৷৷
আগতে সন্ধিয়া, দীঘলীয়া ৰাতি,
                  বাটৰ পৰা নাই ওৰ,
বিশ্ৰাম বিচাৰি গছৰ তলত
                  বহিল বৰাগী মোৰ৷
দিনৰ পিছত সন্ধিয়া আহিছে
                  খণ্ডিছে ভাগৰ দুখ
পৰিছে পাছত, আছেও আগত
                  যুগৰ উপৰি যুগ৷
বাটৰ আগত বাট বাঢ়ি যায়,
                  খন্তেক জিৰণি আহে,