এই পৃষ্ঠাটোৰ বৈধকৰণ হৈছে
৯৯২
ফুলৰ চানেকি।
পৰিতাপ।
⸻
অসাৰ সংসাৰ হাঁয়, অথন্তৰ সমুদায়,
মোহময় মায়াময় মাথোঁ;
আজি গঁথা মালাধৰি কালি যায় জহি সৰি,
নৱোল্লাহে আৰু ধাৰি গাথোঁ!
ইদৰে কতনা আৰু বান্ধিম পানীৰ লাৰু,
ইহ-পৰকাল হেতু হাঁয়;
দেখাতেই দিন চুটি, আয়ুষ্, গইছে টুটি,
পাথেয় সমল একো নাই!
ভাঙ্গিলোঁ আৰ্জ্জিত ধন, নাৰ্জ্জিলোঁ ধাৰ্ম্মিক মন,
নহল আৰ্জ্জন দান-পুণ্য;
চৰিত্ৰৰ নাই বল, স্বাস্থ্যৰো ভাঙ্গিলোঁ কল,
ভদ্ৰ, নম্ৰ, সাধু গুণ শূন্য!
আৰু যি সজকৰ্ম্ম, সাধনত লাভ ধৰ্ম্ম,
দয়া, ক্ষমা, প্ৰেম, ভক্তি কথা,
হিয়াত শকতি নাটি, তাকো যে পেলালো কাটি;
জীৱনৰ গছ মোৰ লঠা!
