পৃষ্ঠা:পৰিদৰ্শন.djvu/৭৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

 ভদ্ৰেশ্বৰ— This is a ink-pot.

 যদুনাথ— দ্যুৎ গৰু, an ink-pot.

 ভদ্ৰেশ্বৰ— An ink-top.

 যদুনাথ— (অধৈৰ্য্য হৈ) top নহয়, pot.

 ভদ্ৰেশ্বৰ— Pot.

 যদুনাথ— গোটেইটো ক। This is an ink-pot.

 ভদ্ৰেশ্বৰ— This an ink-pot.

 যদুনাথ— Is টো ক’ত খালি? চাওঁ এইফালে আহ।

 ভদ্ৰেশ্বৰ— (যাব ধৰে)

 জয়ৰাম— হেৰ, এইবাৰ টকা দিম বুলি গাই যাবা। নিশ্চয় ফলিব।

 ভদ্ৰেশ্বৰ— কলাই কাই টকা দিম। (মন্ত্ৰ আওৰায়) কলাই কাই টকা দিম (আৰু আওৰায়। এইদৰে মাষ্টাৰৰ ওচৰ পায় আৰু ভয়তে কঁপে। ইফালে কলাই কাই টকা দিম, এই বুলি আধা আধা মন্ত্ৰ মাতে।)

 যদুনাথ— (মনে মনে [যাঃ, ইয়াক আজি এবাৰ মাৰিলোঁ। আৰু মাৰিলে কি হব?] ফুটাই) যা, বহগৈ। ঘৰতো মাষ্টাৰ এটা আছে। মুখস্থ কৰি আহিব নোৱাৰে। আজিৰ পৰা ভালকৈ শিকি আহিবি। আটায়ে বহী উলিয়াই লেখ, a b c d খন। (ল’ৰাহঁতে বহীত লিখিবলৈ লয়, যদুৱে টেবুলত ভৰি থৈ চকু মুদে।)


[৭৩]