এই পৃষ্ঠাটোৰ বৈধকৰণ হৈছে
৬০
শ্ৰীশঙ্কৰ মহাভাগৱত
পৰম বান্ধৱ ঈশ্বৰ মাধৱ
তাঙ্ক নকৰিয়ো হেলা।
তান্তে দিয়া মন অথিৰ জীৱন
কৈক যাই কোন বেলা॥২৫৭
বিষয় নিকাৰ পায়া বাৰম্বাৰ
তথাপি নছাৰে ধান্ধা।
কৃষ্ণ গুণ যশ পৰম সৰ্ব্বস
জানি সবে গলে বান্ধা॥
দুৰ্ঘোৰ সংসাৰ আত নাহি পাৰ
স্মৰিয়ো হৰিৰ নাম।
ছাৰিয়া সপন ধৰিয়ো চেতন
ডাকি বোলা ৰাম ৰাম॥২৫৮
—
পদ
দ্ৰুমিল বদতি ৰাজা শুনা অনন্তৰ
কামদেৱ আদি যত ইন্দ্ৰ অনুচৰ॥
এহি মতে স্তুতি যেবে কৰন্তে আছয়।
শুনা তাসম্বাৰ যেন মিলিলা বিস্ময়॥২৫৯
গুণন্ত মনত কৃপাময় দেৱ হৰি।
ৰূপৰ দৰ্পত ইটো যত অপেশ্বৰী॥
