এই পৃষ্ঠাটোৰ বৈধকৰণ হৈছে
৮৫
ধুন।
মই হ’লে এতিয়াই আঁতৰি আহিলে
নেথাকিব তোমাক মনত,
তোমাৰ সুন্দৰ ছবি পৱিত্ৰ ভাবৰ
মাৰ যাব স্মৃতিৰ পটত।
পূৱৰ ৰাঙ্গলী বেলি উলটি আকউ
ভুমুকি মাৰিলে পচিমত,
তেহে মোৰ কেতিয়াবা কোনোবা এদিন
হ’ব দেখা তোমাৰ লগত।
⸻
ধুন।
যেই সেই ফুল ধুনেৰে শুৱনী
ভাল লাগে মোৰ চকুত পৰিলে,
চাই থাকোঁ মানে নেলাগে আমনি
কাৰে ধুন ক’তো কাৰেও নিমিলে।
ইমান মানুহ আছে পৃথিবীত
বেলেগ বেলেগ গাইপতি গুণ;
একেটি ঠালৰে ফুল ফুলনিত
বেলেগ বেলেগ গাইপতি ধুন।
