এই পৃষ্ঠাটোৰ বৈধকৰণ হৈছে
৫৯
জল কুঁৱৰী।
অপকাৰ কাৰো নাই,
জলৰ কুঁৱৰী যায়,
কুল কুল গীত গোৱা,
ৰই ৰই চাই যোৱা,
জুন জুন কৰি
জলৰ কুঁৱৰী
নই পাৰে পাৰে যায়,
কাৰো ক’তো একো নাই।
পৰুৱা পিপৰা গই গাঁতত লুকাবি,
হোৱা নিদি মনে মনে থাকিবি শিয়াল,
জোক পোক বাট এৰি আঁতৰি থাকিবি,
নেভাঙ্গিবি প্ৰকৃতিৰ কেঁৱে নিজঞ্জাল।
অপকাৰ কাৰো নাই,
জলৰ কুঁৱৰী যায়,
কুল কুল গীত গোৱা,
ৰই ৰই চাই যোবা,
জুন জুন কৰি
জলৰ কুঁৱৰী
নই পাৰে পাৰে যায়,
কাৰো ক’তো একো নাই।
⸻
