এই পৃষ্ঠাটোৰ বৈধকৰণ হৈছে
﴾ ২১ ﴿
দেখ সখি! জীয়েকৰ মৰমত।
দেখ সখি!। মাকে মূৰ মেলাইছে
দেখ সখি! ছিগিব চেনেহৰ চুলি হে।
দেখ সখি! সোনৰ কাঁকইবে
দেখ সখি! বেবোলৰ দাপোণে
দেখ সখি! আইদেওক সজাব পাই হে।
দেখ সখি! আইদেওক সজাইছে
দেখ সখি! ৰম্বিনা গঢ়াইছে
দেখ সখি! প্ৰতিমাত চকু দিয়ে হে।
দেখ সখি! আকাশত মঙলি
দেখ সখি! পূৰ্ণচাঁদ ওলাইছে
দেখ সখি! ত্ৰৈলোক্য পোহৰ কৰি হে।
দেখ সখি! অগৰু চন্দনে
দেখ সখি! মিহিকই পিহনে
দেখ সখি! কপালে পূৰ্ণ চান্দ জ্বলে হে।
দেখ সখি! সেউতীৰ এচাকী
দেখ সখি! মালতীৰ এচাকী
দেখ সখি! আৰু চপাৰ কলিৰ চাকি হে।
দেখ সখি! হেমৱন্ত ৰজাই
দেখ সখি! আইদেওক সজাইছে
দেখ সখি! একো নাই থোৱা বাকী হে।
দেখ সখি! মুকুতাৰ দান্ত
দেখ সখি! নাহিকে মাতক
দেখ সখি! মুখে হাসে যেন কৰে হে।
