পৃষ্ঠা:নগা কোঁৱৰ.djvu/২০

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১০
[ ১ম অঙ্ক
নগা কোঁৱৰ


নাম চুকাফাৰ কীৰ্ত্তি যেন লুপ্ত নহয়। আহোম নাম যেন পৃথিৱীত চিৰস্থায়ী হয়।

[ চিন্তাযুত ভাবে লাহে লাহে ওলাই যায় ]


—পট পৰে।—




তৃতীয় দৃশ্য
[ ৰজাৰ হাউলিৰ ভিতৰৰ বাগিছাত হেলা আৰু লিগিৰিবিলাক।
লিগিৰিবিলাকৰ কোনোৱে হেলাক ফুল পিন্ধায় কোনোৱে
মালা পিন্ধায় আৰু বেঢ়ি লই গীত গায় ]


থুপি থুপি তৰাবছা ওৰণী গুচাই—জোনেবাই
    কি দিলি বিলাই।
থুপি থুপি জাতি জুতি থুপি থুপি জাঁই--জোনেবাই
    মোহ গ'ল তোকে চাই!
[ এজনী লিগিৰিয়ে হেলাৰ মূৰৰ ওৰণী গুচাই দিয়ে ]
 হেলা—মোক তহঁতে বলিয়া কৰিবি।
 ১ম লিগিৰি—বলিয়া আমি কি কৰিম! কৰা জনে কৰিলে।
 হেলা—তহঁতৰ পৰা উপায় নাই! মই গুচি যাওঁগৈ যা, তহঁতেই থাক্।