এই পৃষ্ঠাটোৰ বৈধকৰণ হৈছে
৩৮
নক্সা।
৩
কঠোৰ বিধিয়ে বাঁধিছে ব্যৱস্থা
সাধ্য কাৰ তাক ছিগিব হায়!
ই-মেৰ পাকত মনুষ্যত্ব গুছি
ঘটিছে আমাৰ এনে বিলাই!
৪
বাপেক মাকৰ ঘৰত ছোৱালী
আবিয়ৈ থাকি গাভৰু হলে
যায় ব্ৰাহ্মণত্ব সমাজে আঁতৰে
দুৰ্ণাম কলঙ্কে জগত জ্বলে!
৫
এনে শাসনৰ বিষম ভয়ত
অভিভাৱকৰ কোমল প্ৰাণ,
কৰে শান্তিবোধ আঁজলী ছোৱালীক
অকালতে কৰি সম্প্ৰদাণ!
৬
নাচাই পাত্ৰক যোগ্য কি অযোগ্য
যেন তেন মতে গুছায় ভাৰ
ছয় বছৰীয়া ছোৱালীৰ জোৰা
সংহতি এজন আদহীয়াৰ।
