এই পৃষ্ঠাটোৰ বৈধকৰণ হৈছে
৩৩
নক্সা।
( ২৮ )
পেটৰ পোৱালীৰ মুখত আজি
শুনি কমাৰে ঘৃণাৰ বাণী
ততাতৈয়াকৈ ভাৰ খনি তাতে থৈ
নাচাই দুনাই পুত্ৰৰ সি মুখ
এৰি দি পিছৰ সেই সোপাসুখ
টুকি চকু-লো ওভতিল ঘৰলৈ।
( ২৯ )
ঘৰ পালে ‘কমাৰ’ ‘কমাৰণী’
সুধিলে পুত্ৰৰ সুবাতৰি
কবলৈ ধৰিলে সি বিষাদ ভাৱটি ধৰি;
“যি আশা হায়! বুকুত বান্ধি
পঢ়ালোঁ লৰাক টানি-মানি
গল বিফলে জানিবা ঠাৱৰ কৰি!
( ৩০ )
বিদেশ বিদ্যাৰ গোন্ধ পাই লৰাই
জাতীয় ভাব এৰিলে সোপাই
বাপেক মাককো চিনিব নোৱাৰা হল
ভুঞ্জিব লোকে যাৰ ভোগ যেনে
তুমি আমি মাথোঁ থাকিলোঁ তেনে
যি আছিল কপালত সেয়ে জানিবা হল।
৩
