এই পৃষ্ঠাটোৰ বৈধকৰণ হৈছে
২৮
নক্সা
( ১১ )
শুনা তেন্তে পিছৰ ঘটনা
যি যি ঘটিছিল আৰু
অৱশ্যে তোমাক বুজাই কলে
বুলিবা নিশ্চয়ে বাৰু!
( ১২ )
নাম ফুটা তিৰোতা গেন্ধেলেী কুচুনীৰ
বেঙেনা বাৰীত আছিল ঘৰ,
তাইৰ খিয়াতি জগত বিয়াপী
নাছিল কতোৱে অলপো লৰ।
( ১৩ )
শুভক্ষণত এইৰে সৈতে
দৈবাৎ কমাৰৰ সাক্ষাৎ হৈ
শোভিল দুটায়ে যুগল ৰূপেৰে
মিলি গৃহস্থ স্বৰূপে ৰৈ।
( ১৪ )
লৰা এটি হল দুয়োৰে মাজত
“জগৰলগা” তাৰ থলে নাম
পঢ়িব দিলে তাক ‘বাবু’ হবলৈ
নিশিকাই নিজৰ কমাৰ কাম
