এই পৃষ্ঠাটোৰ বৈধকৰণ হৈছে
দেৱধ্বনি
(৩৮)
মন্দিৰ জিনি-অন্তৰ জিনি
ৰিণিকি ৰিণি-
বাজে, মৃদঙ্গ-মঞ্জীৰাৰ
চঞ্চল ধ্বনি!
ভাঙিলেহি পুৱাৰ সপোন,
চমকি মই মেলি নয়ন
অপৰূপ ৰূপৰ কিৰণ
দেখোঁ বিতোপন;
আচম্বিতে শুনো ধ্বনি
হিয়াৰ তোৰণ জিনি
ৰিণিকি-ৰিণি!
আনন্দ নধৰে বুকুত
আৱেগ নধৰে সুৰত
কিহেৰে সুধিম আজি, ভাষা নাহে মুখত-
জ্বলিল সহস্ৰ শিখা
জাগিল সকলো দিশা
বাজিল নিৰলে মোৰ
কি সুখ-তৃপ্তিৰ সুৰ
ৰিণিকি ৰিণি।
শাওন, ১৮৪৫ শক ]
