পৃষ্ঠা:দেৱ-ধ্বনি.djvu/৪২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
দেৱধ্বনি
 

(২৮)

পানিপথ,  পানিপথ,
ভাৰত-ভাগ্য-বিধাতা—,হে চিৰ-প্ৰসিদ্ধ পানিপথ।
প্ৰয়োগ কৰিছা বিধি-নিৰ্ব্বন্ধ
বিপ্লৱৰ ধৰি শাসন দণ্ড
তেজৰ তৰ্পণ দিছা কতনাৰ উদ্ধত মহাৰথ
কতনা জাতি কৰিলা নাশ
ৰচি নৱ নৱ ইতিহাস,
পাষাণ-হিয়াত কত শতিকাৰ সামৰি শোকোচ্ছাস,-
-কৌটি বীৰৰ সমাধি-শয্যা,
নৱাগতৰ বিজয় ধ্বজা,
সতী-গৰিমাৰ অগ্নি-শিখাত বীৰাঙ্গনাৰ জহৰ-ব্ৰত’
যুগ-চক্ৰৰ অধিনায়ক,—ধ্বংস-দেৱৰ ভৈৰৱ-মঠ,

-পানিপথ।

ভাদ, ১৮৪০ শক ]