এই পৃষ্ঠাটোৰ বৈধকৰণ হৈছে
৩৩
দীপ্তি ।
কিংবা আবেদন নিবেদনে উচ্চাসন
নিদিয়ে তোমাক। কিন্তু যদি পোৱা এই
সত্যৰ আলোক,—ঈশ-জ্যোতি-কণা তুমি,—
অনন্তৰ এটি বুদ্ বুদ্; যি মহাভূতেৰে
স’তে ধনী, মানী, বলীৰ গঠন, সেই
মহাভূতে গঢ়া তোমাৰো শৰীৰ;—
এক মহাপ্ৰাণে প্ৰাণ সমস্ত বিশ্বৰ;
অছেদ্য সম্বন্ধ আছে প্ৰত্যেক জীৱৰে;
আছে এটি আকৰ্ষণ জুৰি প্ৰতি অণু
পৰমাণু; সেয়েই বান্ধিছে বিশ্ব প্ৰেম
নামে এডালি সূতাৰে; তেতিয়া উঠিব
জাগি প্ৰাণৰ মাজত, বিশ্ব-জোৰা
প্ৰেম-অনুভূতি, স্বেচ্ছা-প্ৰণোদিত হই
লাগিবা সেৱাত। সুষুপ্ত প্ৰাণৰ প্ৰীতি
জাগিব তেতিয়া, বুজিবা তেতিয়া তুমি
উন্মুক্ত স্বাধীন, বুজিবা তেতিয়া তুমি
শিষ্য বিবেকৰ, অমৃতৰ পুত্ৰ তুমি,
মৃত্যু ভয়ে নোৱাৰে কঁপাব, পাবা শান্তি
স্বাধীন ইচ্ছাৰে সেবি নৰ-নাৰায়ণ |
এই সেৱা ধৰ্ম্ম-চূড়ামণি। নাই তাত,
প্ৰভু-ভৃত্য, নাই তাত ভীতি-প্ৰদৰ্শন।
নাই তাত পুৰস্কাৰ-দণ্ড-বিভীষিকা।
