এই পৃষ্ঠাটোৰ বৈধকৰণ হৈছে
( ৭২ )
সাত থান পৃথি সাত খান স্বৰ্গ
সবে মিলি যত হয়।
ইহাক বিভাগী দুই শত ভাগ
বৈকুণ্ঠ জানা হোৱয়॥ ৭৩৯
তাহাৰ মহিমা কহিবো কতেক
বৰ্ণাইবাৰ শক্তি নাই।
সহস্ৰ আননে বৰ্ণাই বৰ্ণাই
কহিয়ো অন্ত নপাই॥ ৭৪০
শ্বেত কল্পিতৰ দুয়ো বৈকুণ্ঠক
কৈলা দেব শূলপাণি।
সংক্ষেপে পয়াৰে তাঙ্ক নেলেখিলো
পদ বঢ়া হোৱে জানি। ৭৪১
পদ
শঙ্কৰ বদতি দেৱী শুনিয়ো পাৰ্ব্বতী।
আবে পূৰ্ণ ব্ৰহ্মৰ থানৰ যেন নীতি॥ ৭৪২
শ্বেত বৈকুণ্ঠৰ পৰা হোৱয় অন্তৰ।
হোৱয় ঊৰ্দ্ধত আশী লক্ষ হাজাৰৰ॥ ৭৪৩
ব্ৰহ্মা নন্দ থান সিটো দিব্য ৰত্ন ময়।
তাহাৰ মহিমা গুণ কেহো নজানয়॥ ৭৪৪
চাৰিয়ো বৈকুণ্ঠ আৰু ভুবন চৈধ্যয়।
আত দশ গুণ বঢ়া জানিবা নিশ্চয়॥ ৭৪৫
