এই পৃষ্ঠাটোৰ মুদ্ৰণ সংশোধন কৰা হৈছে
শোষণ-পেষণ যত
শাসনৰো ৰথচক্ৰ
ৰুধিৰেৰে দৰিদ্ৰৰ সেই
আগৰে দৰেই
ওৰে বাট ৰঙা হই হই?
কবি:— একেদৰে একেদৰে সেই
ঘূৰিছে ৰথৰ চক্ৰ-
ঘূৰিছে যিদৰে
চন্দ্ৰ-সূৰ্য্য-গ্ৰহ-তৰা
অবিৰাম অলপো নৰই!
শোষন-পেষণ যত
শাসনৰো ৰথ চক্ৰ
ঘূৰি আছে একে দৰে সেই
একে দৰে আগৰে দৰেই।
গান্ধী:— নাই! ঘূৰা নাই চন্দ্ৰ সূৰ্য্য
ঘূৰিছে যি দৰে
নোৱাৰিব ঘূৰিব সিদৰে সদা
চিৰন্তন ৰূপে
নহয় কদাপি সি নীতি
বিধাতাৰ চিৰন্তন,
মানুহৰ হৃদয়ৰো নহয় সি
জানা ধৰ্ম্ম সনাতন।
(১১)
