পৃষ্ঠা:তিৰুতাৰ আত্মদান কাব্য.djvu/৬

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


সমাদৰে মালাধাৰী
কৰিবা গ্ৰহণ॥
 
যদিহে কেনেবা কৰি
তিতিছে ই মালাধাৰি
পুতেৰাৰ চকুলোৰে
—(অবোধ সন্তান)—
নধৰিবা তাত দোষ।
কৃপা কৰি দিবা বোধ,
সজ বুদ্ধি সজ শিক্ষা
সজ তত্ত্ব জ্ঞান॥
 
অবোধ ই পুত্ৰ তযু
নাইশিক্ষা নাই জ্ঞান,
সংসাৰ "পৰীক্ষা-ঠাই"
পৰি "পৰীক্ষাত"
ব্যাকুল হইছে মন
কান্দিছে পৰাণ তাৰ,
দুচকুত চকুপাণি,
থৰ নাই গাত॥