এই পৃষ্ঠাটোৰ বৈধকৰণ হৈছে
(৩)
সি হেতু আসিলো তোহোৰ ঠাই।
আমাক পঠাইছে মোৰ ৰাধিকাই॥
শুন তাঁতি মই কহোঁ কথাক।
কাপোৰ লাগে মোৰ ৰাধিকাক॥
শুন তাঁতি কহোঁ তোহোৰ আগে।
ৰাধাই পিন্ধিবাক কাপোৰ লাগে॥
শুনি তাঁতি শোধে হাত যোৰ কৰি।
কহিয়ো প্ৰভু ব’ম কেনে কৰি॥
কেমন কাপোৰৰ কেমন ঠান 1
কলেহে জানো মই তাৰ প্ৰমাণ॥
দীঘল পুতল কিমান লাগে।
কিবা ফুল বাছিম তাৰ আগে॥
পথালি দুকাঠি লৈবা বেগত।
দীঘলে লৈবা তিনি ততেক॥
পৃথিবীত আছে যতেক ফুল।
শুন তাঁতি তই কাপোৰত তোল॥
চম্পা বকুল বাবৰি তগৰ৷
তাক নেবাছিলে লাগিব জগৰ॥
কুন্দ কৌৰৱক পদ্মৰ কলি৷
তাক নেবাছিলে উঠিব জ্বলি॥
ৰাঙ্গুল ৰেৱতী মৰুয়া মধাই।
তাক দেখি ৰঙ পাব ৰাধাই॥
চন্দ্ৰ সূৰ্য্য তৰা বাছিবা তাত।
তাক দেখি ৰাধাই লগাব মাত॥
