পৃষ্ঠা:তটিনী তীৰৰ খেলা.pdf/২৯

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে

সকলো চৰাই উলটি আহে

ডেউকাত সামৰি পৰিভ্ৰমী সন্ধান
বেলিয়ে ঠেং মেলা পৰত উলটি আহে সকলো চৰাই
ৰৈ থাকে জীৱন সাৱটি নিৰ্জীৱ খেৰ-কুটাৰ বাহ

চিনাকি বাঁহীৰ সুৰ মানেই চৌম্বিক আকৰ্ষণ
আমন্ত্ৰণ

নাৰী চৰাইৰ বাহ
মৰুৰ বুকুত
বৈ থকা নৈ

অতল তলিৰ সংগোপন সুৰ-বাঁহীৰে
তুমি নৈ হৈ
বৰষুণ হৈ
গছ হৈ
তিয়াইছা
ধুৱাইছা
ছাঁ দিছা
চেতনাৰ পঁচা-কুটাৰ ঘৰ

(২০০৪)

তটিনী তীৰৰ খেলা// ২৯