এই পৃষ্ঠাটোৰ মুদ্ৰণ সংশোধন কৰা হৈছে
(৫)
দেৱ, কিয়নো তুমি সংসাৰ এৰিলা,
শোকাগ্নি জ্বলালা,
দুখত পেলালা,
আসাম মাতৃক কিয় অকলে ত্যজিলা?
(৬)
উপজিলা হেতু তুমি পাপ মোচনৰ,
ভৱ-সাগৰৰ,
সকলো জীৱৰ,
সেই দেখি পালা সুখ শেষে স্বৰগৰ।
(৭)
থাকা, থাকা, থাকা, তুমি স্বৰগ-ধামত,
মহা আনন্দত,
প্ৰভুৰ লগত,
না আকি বিশ্বৰ ছবি তবু হৃদয়ত।
(৮)
নহয়, নহয় তুমি বিশ্বল’ই চোৱাঁ,
বিশ্বগান গোৱাঁ,
দয়াবান হোৱাঁ,
যেন তুমি আসামক শোকত নোথোৱাঁ।
