এই পৃষ্ঠাটোৰ বৈধকৰণ হৈছে
২২ অ ]
৮৯
শ্ৰীশ্ৰীশঙ্কৰদেৱ-মাধৱদেৱ চৰিত
হেন শুনি শঙ্কৰ ভৈলন্ত হৰিষিত॥
উচ্চ কৰি সমজ্যাত হৰি বোলালন্ত।
সভা বিসৰ্জ্জিয়া পাছে গৃহক গৈলন্ত॥২১॥
দ্বাবিংশ অধ্যায়
—কীৰ্ত্তনৰ প্ৰসাৰ—
আৰো যেন কথা ভৈল তাক কহোঁ শুনা।
কৰান্ত কীৰ্ত্তন ৰামদাসে একদিনা॥
শঙ্কৰ মাধৱ আনো ভক্ত সব যত।
পৰম আনন্দে বসি আছা সমাজত॥১॥
ৰাম ৰাম গুৰুৱে কীৰ্ত্তন কৰিলন্ত
ৰামদাস মাধৱে প্ৰসাদ বিলাৱন্ত॥
ৰামদাসে সভা বিসৰ্জ্জিয়া পঠাইলন্ত।
সভাসদ লোক সবে গৃহক গৈলন্ত॥২॥
—গুপুত মিঠাই—
সমস্ত প্ৰসাদ ভকতক দিয়া গৈল।
এক চৰু মিঠাই মাত্ৰ পাসৰাত ৰৈল॥
তাৰা কেহোঁ নজানন্তে ৰহি আছা বুলি।
আন্ধাৰ ঘৰত থৈছা ওপৰত তুলি॥৩॥