এই পৃষ্ঠাটোৰ বৈধকৰণ হৈছে
৭৩
শ্ৰীশ্ৰীশঙ্কৰদেৱ-মাধৱদেৱ চৰিত
শঙ্কৰে বোলন্ত মাধৱৰ মুখ চাই।
মাধৱো বুলিলা পাছে গোসনিক যাই॥২৫॥
অনেক যুগুতি যোগে বচন বুলিল।
শুনি তাই গোসানীয়ো মনত গুণিল॥
মাধৱৰ বচনে হৰিষ লভিলন্ত।
তেবে আৰ নৈবেদ্যক বাসি নকৰন্ত॥২৬॥
মাধৱক শঙ্কৰে প্ৰশংসা কৰিলন্ত।
বাসি নৈবেদ্যক মাধৱে যে গুছাইলন্ত॥
এহি বুলি শঙ্কৰ ৰহিলা মনৰঙ্গে।
ৰহিলা মাধৱদেৱ শঙ্কৰৰ সঙ্গে॥২৭॥
⸻০⸻
ঊনবিংশ অধ্যায়
—কীৰ্ত্তন লীলা—
দুই জনে এক থান ভৈল যি দিনত।
সেই দিন ধৰি দুইৰো আনন্দ মনত।
ভৈলন্ত ঈশ্বৰ দুই একথান যেবে।
নিতে নিতে আনন্দ বাঢ়িয়া যাই তেবে॥১॥
ৰাম-ৰাম গুৰু ৰামদাস ওজা দুই।
মাধৱে কীৰ্ত্তন কৰা ডাইনা পালি হুই॥
গগন মণ্ডল চোৱে কীৰ্ত্তনৰ ধ্বনি।
