এই পৃষ্ঠাটোৰ বৈধকৰণ হৈছে
৪৫
চিন্তা-তৰঙ্গ।
বাসন্তীৰ বিয়া
(১৮৮৯ কলিকতাত লেখা)
পূবত হাঁহিৰে ঊষা সুন্দৰীয়ে
কইছে ফেচানীক উৰুলি দিয়া,
ফুলেশ্বৰী বোলা বাসন্তী আইটি
লগত ভোমোৰা বোপাটিৰ বিয়া।
নামতী কুলীয়ে দিছে নাম লগাই
অ’ বাসন্তী কেতেকীয়ে গায়
আগে গাওঁ ময় আগে গাওঁ ময়
বুলি দ্বন্দ কৰে ভাটো শালিকাই।
ফেঁহুৱে মাতোতে টুনিটিয়ে গালে।
উলাহি নধৰি আনন্দেৰে হিয়া
তালে তাল ধৰি গাই কুকুৰাই,
“চৰাইটি হে দেও বাসন্তী বিয়া”।
মাতে সখিয়তী সখিঔ সখিঔ
সখি ধৰিবলৈ বিচাৰি আহি।
ভীমৰাজে সুহুৰিৰে বোলে ঔ-ঔ
বাজে যেনে কৰি মধুৰ বাঁহী।
