এই পৃষ্ঠাটোৰ বৈধকৰণ হৈছে
পঞ্চম অঙ্ক।
⸻⸻
প্ৰথম গৰ্ভাঙ্ক।
⸻⸻
এটা কুটিৰ।
ধনঞ্জয় আৰু বহুলীৰ প্ৰবেশ।
ধনঞ্জয়। পিচে বহুলি, তোমাৰ গাত পিশাচ এটা লাগিছে গম পাইছা জানো?
বহুলী। এনেবোৰ কথা ক’লে মোৰ বৰ ভয় লাগে। পিশাচৰ কথা শুনিলে পেটতে হাত ভৰি লুকায়। আইয়ে ডি- ঙ্গিত ডোল দিয়াইহে ইমান দিন পৰচেষ্টা নোহোৱাকৈ থৈছে।
ধনঞ্জয়। তেনেকুৱা বিধৰ পিশাচ নহয়; চোৱা সৌ গৰাকী আহিছে।
বহুলী। সেইটো বিজয়হে। সি হওঁতে মোক ধৰি নিম বুলি কৈছে, কিন্তু তুমি পালে আকৌ টঙ্গনীয়াই দিবা নহয়।
বিজয়ৰ প্ৰবেশ।
বিজয়। বহুলী, অ’ বহুলী।
বহুলী। ( খং কৰি) কেলেই মোক?
