এই পৃষ্ঠাটোৰ বৈধকৰণ হৈছে
৭২
চন্দ্রাৱলী।
চন্দ্ৰাৱলী॥ ভ্ৰমিছা বহুত দেশ।
তেনেহলে ঘৰ-বাৰী বেচিছা নিজৰ,
সেই ধন ভাঙ্গি
চাইছা লোকৰ ঘৰ-বাৰী।
ফুৰি ফুৰি জ্ঞানৰ সলনি
গোটালা বেজাৰ হৃদয়ত।
পুষ্কৰৰ প্ৰবেশ।
পুষ্কৰ। কি কৰিছা ইয়াত সুবাহু?
পুৰন্দৰ। কৰিবৰ আহিল দেখোন,
কি উদ্দেশ্যে আহিল আপুনি?
পুষ্কৰ। মন গ'লে কেতিয়াবা ফুৰোহি ইয়াত,
সুবাহুৰে কথা পাতি ভাল লাগে মোৰ।
চন্দ্ৰাৱলী। কিয়নো পুষ্কৰ তুমি নাহিলা সিদিনা?
পুষ্কৰ। আহিছিলোঁ,⸺
কিন্তু বাটতে শুনিলোঁ আহি
মোৰ বাবে আগবাঢ়ি তুমি
গ’লা হেনো আন কোনো বাটে।
চন্দ্ৰাৱলী। হয় সেই দিনা বাট চাই থাকি
আমনি লাগিল,
আগবাঢ়ি গলোঁ,—সন্দেহ কৰিলোঁ,
জানো কোনো বিপদ তোমাৰ।
