এই পৃষ্ঠাটোৰ বৈধকৰণ হৈছে
৪৮
চন্দ্ৰাৱলী।
পুৰন্দৰ। ওলাল ইয়াত
ক'ৰ পৰা আহি এনে অসভ্য মানুহ?
ধৰ্ম্মপাল। পৰি বিপদত,⸺
লভি নতু অসভ্যৰ মাজত জনম
কৰিছাহি এনেকুৱা কটু ব্যৱহাৰ?
পুষ্কৰ। হয়, বিপদতে পৰি মই
হ’ব লগা হইছে কঠুৱা,
কিন্তু জানো কেনে মাৰ্জ্জিত সমাজ।
শুনিবি হুকুম,
হাত দিলে খাদ্য সামগ্ৰীত
খণ্ড খণ্ড কৰি মই কাটিম ইয়াৰে।
ধৰ্ম্মপাল। কি লাগে তোমাক
কোৱা তুমি ভাল মানুহৰ দৰে;
ভদ্ৰ কথা ক'লে
বলেৰে নোৱাৰা কামো পাৰিবা কৰিব।
পুষ্কৰ। যায় প্ৰাণ আহাৰ নেপাই,
খোৱা বস্তু দিব লাগে মোক।
ধৰ্ম্মপাল। একো কথা নাই,
বহি যোৱা আমাৰ লগতে
ফল মূল সামান্য বস্তুৰে
যথা শক্তি শুশ্ৰষা কৰিম।
পুষ্কৰ। কোৱা দেখোঁ সাধুৰ নিচিনা কথা!
ক্ষমা কৰা,—ভাবিছিলো অসভ্য দেশত
