এই পৃষ্ঠাটোৰ বৈধকৰণ হৈছে
চন্দ্ৰাৱলী।
(পুষ্কৰক) আপোনাৰ চৰণত শৰণ মাগিছোঁ,
আপোনাৰো চিৰদাসী মই।
ধৰ্ম্মপাল। চকু যদি সঁচা হয়
তুমি মোৰ চন্দ্ৰাবলী প্ৰাণৰ পুতলী।
পুষ্কৰ। চকু যদি সঁচা হয়
তুমি মোৰ চন্দ্ৰাৱলী প্ৰাণৰ পুতলী।
হেমাঞ্জলী। আপোনাৰ চৰণতে
অৰ্পিছোঁ নিজক আজি ময়ো;
পিতৃত নেপালোঁ স্থান
সেইবাবে আপোনাকে পিতৃভাব কৰি
কৰিছোঁ অৰ্পণ নিজে নিজে।
(জনাৰ্দ্দনক) অপোনাতে অৰ্পিলো নিজকে
স্থান দিব চিৰদুখুনীক।
ধৰ্ম্মপাল। তুমি মোৰ অতি চেনেহৰ,—
তোমাৰ গুণত, আৰু
মোৰ এতি উদাৰ ভকতি দেখি
পূৰ্ব্ব স্নেহ দুগুণে বাঢ়িল।
মই অতি ভাগ্যৱন্ত
তুমি মোক পিতৃভাৱে আদৰ কৰিছা।
জনাৰ্দ্দন। ময়ো অতি ভাগ্যৱন্ত
তুমি মোত নিজে নিজে
প্ৰাণ মন অৰ্পণ কৰিছা।
