এই পৃষ্ঠাটোৰ বৈধকৰণ হৈছে
(১৩২)
বিষ্ণু নেদিয়া দ্ৰব্যচয়, আপুনি ভুঞ্জিয়া নষ্ট হয়,
যিতো বিষ্ণুদেব পৰমাত্মা জগতৰ।
তাৰ পিতৃগণ নৰকত, পৰয় পাতেকে হুয়া হত,
নৰক ভূঞ্জয় সততে বহু বৎসৰ॥ ৬৯১
মৎস্য মাংস আদি বস্তুচয়, বিষ্ণুক নেদিয়া ভুঞ্জি ৰয়,
সিতো মহাজনে শাস্ত্ৰৰ সন্মত জানি।
অল্পসবো হোৱে বিষ্ঠা প্ৰায়, সুগন্ধিত জল মূত্ৰ ন্যায়,
বিষ্ণুক নেদিলে যিহেতু হৱয় হানী॥ ৬৯২
বন্দন।
চবি।
মোৰ পদে থাপি শিৰ, দুই হাতে দুইপদ,
ধৰি নৰে কৃষ্ণৰ চৰণ।
প্ৰসন্ন হুয়োক দেৱ, বুলি উচ্চৰিবে সখি,
প্ৰণামৰ এহিসি লক্ষণ॥ ৬৯৩
বাহুপদজানুশিৰ, বক্ষস্থল চক্ষুমন,
আসম্বাক কৰিয়া সাধন।
প্ৰণামে হৰিক যিতো, পঞ্চাঙ্গ প্ৰণাম বুলি,
শাস্ত্ৰে আক কৰে নিৰূপণ॥ ৬৯৪
