এই পৃষ্ঠাটোৰ বৈধকৰণ হৈছে
( ৬৩ )
মাধৱে বোলন্ত শুনা ধৰ্ম্মৰ নন্দন।
পুনৰুপি অৰ্জ্জুন সহিতে হুইবে ৰণ॥
শুনি যুধিষ্ঠিৰে বোলে যুৰি যোৰহাত।
জয় জয় কৃষ্ণ লৈলোঁ শৰণ তোমাত॥ ৩২৪॥
তোমাৰ পৰম প্ৰিয় বীৰ ধনঞ্জয়।
আপুনি ৰাখিব তাঙ্ক কৃষ্ণ কৃপাময়॥
কেশৱ বদতি দদা এৰা উতপাত।
অৰ্জ্জুনৰ যত কাৰ্য্য লাগিল আমাত॥ ৩২৫॥
বৰ বৰ আপদতো কৰিবো ৰক্ষণ।
শুনি যুধিষ্ঠিৰৰ হৰিষ ভৈল মন॥
কৃষ্ণ নিগদতি শুনা ধৰ্ম্মর তনয়।
নগৰ প্ৰবেশ হুইবে আজি নালাগয়॥৩২৬॥
সবে ৰাজাগণ যাওক স্বকি স্বকি থান।
এহি মতে থাকিয়ো তোমাৰা পাঞ্চজন॥
হৰিৰ বচন শিৰে ধৰি যুধিষ্ঠিৰ।
পাঞ্চু ভাই তথাতে ৰহিলা নদীতীব॥ ৩২৭॥
কৃষ্ণক বোলন্ত যুধিষ্ঠিৰ মহাৰায়।
পুত্ৰ শোকে আমাক শপিবে বাপ আই॥
বাৰে বাৰে ৰাকিছা সকলে আপদত।
ৰাখিয়ো ৰাখিয়ো প্ৰভু মাৱত বাপত॥ ৩২৮॥
হস্তিনা পুৰক লাগি আপুনি যায়োক।
ধৃতৰাষ্ট্ৰ গান্ধাৰীক শান্ত কৰিয়োক॥
