এই পৃষ্ঠাটোৰ বৈধকৰণ হৈছে
( ৫০ )
বুলিলন্ত দুখ মনে। হাঁহাঁ ভাই দুৰ্য্যোধনে॥২৫৫
কুবুদ্ধি ফলিল তোৰ। ৰাজ্য কাঢ়ি লৈলি মোৰ॥
মোক মহা দিলি দুখ। ভুঞ্জিলিহি ৰাজ্য সুখ॥২৫৬
ইটো ৰাজ্য নাটে কাক। ভাগেক নিদিলি তাক॥
মৰাই গুৰু পুত্ৰ ভাই। জলত পশিলি যায়॥ ২৫৭
তভো কোপ লগা মোক। মাতিলো বান্ধৱ তোক॥
নিয়ম সমৰ কৈলি। গতি লভি কীৰ্ত্তি থৈলি॥২৫৮
তোৰ শোকে নাৰীগণে। সপিবেক সৰ্ব্বক্ষণে॥
তোৰ দোষ দিলে মিচা। বিধাতাৰ হেন ইচ্ছা॥২৫৯॥
শুনিয়োক সভাসদ। ঝুমুৰি ভাৰত পদ॥
আনকাম পৰিহৰি। ডাকি বোলা হৰি হৰি॥২৬০
___
পদ।
বৈশম্পায়ণ বদতি শুনিয়া জন্মিজয়।
পুত্ৰৰ মৰণ শুনি অম্বিকা তনয়॥
মহা মৰ্ম্মে সঞ্জয়ক বুলিলা বচন।
বলোভদ্ৰে দেখি হেন অনিয়ম ৰণ॥২৬১।
ভীম দুৰ্য্যোধনক বা কাক কি বুলিল।
উৰু ভঙ্গ হুয়া দুৰ্য্যোধনে কি কৰিল॥
সঞ্জয় বদতি ৰামে দেখিয়া অন্যায়।
ভামক মাৰিবে যায় মুষল ভেজাই॥২৬২॥
