এই পৃষ্ঠাটোৰ বৈধকৰণ হৈছে
(৩৮)
ঠিৱ ভৈলা এৰি দুয়ো ৰণ।
দুইকো দুই কৰয় গৰ্জ্জন॥ ১৯০ ॥
দুয়ো বীৰ মধ্যে অনোপাম।
সভাসদে বোলা ৰাম ৰাম॥ ১৯১ ॥
⸻
পদ।
সঞ্জয় বদতি কথা শুনা নৰেশ্বৰ।
দুইৰো যুদ্ধ চাহে সিদ্ধমুনি নিৰন্তৰ॥
বিস্ময়ে কহন্ত কথা অন্যে অন্যে চাই।
কিনো অদ্ভুত যুদ্ধ ভঙ্গ জয় নাই॥ ১৯২ ॥
কেহো বোলে আজি এক হুইবে অথান্তৰ।
একেবাৰে দুয়ো মৰি যাইব যম ঘৰ॥
ধূলি ধূসৰিত তনু তেজে পঙ্কাকাৰ।
বসন্ত কালত যেন ফুলিল মন্দাৰ॥ ১৯৩ ॥
সম শিক্ষা পৰাক্ৰম নাহিকে দ্ৰুভঙ্গ।
এহি মতে কথা কৱে সবে চাৱে ৰঙ্গ॥
খনো আগবাঢ়ি ধৰে ভাব ভঙ্গি কৰি।
পুনৰূপি দুয়ো চলি যায় পাচ ভৰি॥ ১৯৪ ॥
আগবাঢ়ি পাচ গুছি দুই চিদ্ৰ চাই।
মৃত্যু সীমা কৰি দন্দ্ কৰে দুয়োভাই॥
