পৃষ্ঠা:কীচক বধ (Kichak badh).pdf/17

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


তিনিও —কেনেকৈ?
মানুহ —গৰু চৰাওঁতে গোৱা নাম এটা আছে৷ যিখন পথাৰত গৰু থৈ নামটো গাবা, খেদি নিনিয়ালৈকে তাৰ পৰা এটা গৰুও আঁতৰি নাযায়৷
প্ৰ, গ৷ —তেন্তে বৰ ভাল নাম৷ আমাক শিকাই দিয়ক৷
মানুহ —দিব পাৰোঁ৷
দ্বি, গ —তাৰ আগতে এবাৰ গৰুৰ জাকটো চাই আহোঁ৷
মানুহ —চাবৰ দৰকাৰ নাই৷ এই নাম গালে কোনোবাটো আঁতৰি গৈছিল যদিও, আপুনি ঘূৰি আহিব৷
তৃ, গ —শিকাওক তেন্তে৷
মানুহ —শিকিব খুজিছা যদি তিনিও তিনি ফালে হাত ধৰাধৰিকৈ থিয় হোৱা৷ ই মাজত থাকিম৷ মই পদ দিম, তোমালোকে নামটো দোহাৰিবা৷ তোমালোকে কিন্তু অইন কোনো ফাললৈ নাচাই মোৰ মুখলৈ চাবা৷
তিনিও —বাৰু৷
  [ তিনি ফালে তিনটা আৰু মাজতে মানুহটো হৈ নাম ধৰে ]