এই পৃষ্ঠাটোৰ মুদ্ৰণ সংশোধন কৰা হৈছে
অসমীয়া ৰামায়ণ।
৮৯
শুনিয়ো লক্ষণ, দশৰথ সুত
ৰামৰ কনিষ্ঠ ভাই।
অসোধনে কেনে, স্বামীক নিন্দাহ,
আমাৰ কৰ্ম্ম পাই॥
আতিশয় তুমি, কোপ নকৰিব
নকৰিবা অতি খেদ।
বিষ বৃক্ষ যদি, আপুনি ৰোৱয়
তাকো নকয় ছেদ॥
তোমাৰ ক্ৰোধে যে, ইষো স্বামী মাৰে,
তেবে কোন যশ পাইব।
বিড়ালীৰ যদি, দোষক ধৰিয়া
নিতে হাণ্ডি পেহ্লাইব ॥
অনেক আমাৰ, বচন আছই,
চৰণে প্ৰভু তোমাৰ।
সুগ্ৰীৱ আমাৰ, সক্ৰোধ নহন্ত
সন্ত মহন্ত সাৰ॥
মুণিগণ মাজে, যাহক লেখত
খড়ি মাটি ধৰি আগে।
হেনয় স্বামীক, নিন্দন্তে আসাহ,
আমাৰ বৰ অভাগে॥
