এই পৃষ্ঠাটোৰ বৈধকৰণ হৈছে
৮৬
কিষ্কিন্ধ্যা কাণ্ড।
হাউৰে বানৰা, মিত্ৰক বান্ধিলি,
আগুয়াক সব পশু।
ভৃত্য হুয়া তৈল, কুঢ চলাৱয়,
গৃহস্থৰ গায়ে খসু॥
সিংহে হৰিণক, মাৰিল শৃগাল
পশুৰ বৰ উঠনি।
ঈশ্বৰ পিয়াসে, মৰই ইবাৰ,
ভুঞ্জে ডাৱৰৰ পাণী॥
ৰামৰ কাৰ্য, হেলা কৰি তই,
মোক কৰা সতকাৰ।
দুষ্টৰ বিনয়, যতেক বোলয়,
মোত নিবিকাস আৰ॥
পৰ্ব্বতক পিঠে, দিলে মূঢ তই,
শুনৰে নিলাজ ছাৰ।
শৰে হানি তোৰ, প্ৰাণ কাঢ়ি লৈবো,
ত্ৰৈলোক্যে নাহি নিস্তাৰ॥
হেনয় জানিবি, হিতক চিন্তিলি,
পাছে উপকাৰ কৰে।
কুলিন পৰাণ, ভৈল ভালে তাৰ,
মনে সদ বুদ্ধি ধৰে॥
