এই পৃষ্ঠাটোৰ বৈধকৰণ হৈছে
১৯
কালিকা পুৰাণ
দেখি নৰ-নাৰী সবে চাপি ধৰি
দাসীগণ আছে যত।
সবে নানা ভাবে অনেক প্ৰকাৰে
বুজাৱয় মেনকাক॥৮৭
শুনিয়া মেনকা মাৰিয়া জোকাৰ
সবাকো বুলিলা বাণী।
কাহাৰো কথাক নুশুনয় দেবী
নাখাৱন্ত ভাত পানী॥ ৮৮
সবাৰো দুখক দেখিয়া পাৰ্ব্বতী
মনত অসুখ আতি।
ভাবি চিন্তি মনে মোহোৰ নিমিত্তে
আছে আই কান্দি-কাতি॥৮৯
এহিমতে ভাবি আসিলন্ত চাপি
তেতিক্ষণে শীঘ্ৰ কৰি।
প্ৰণাম কৰিয়া কহিবে লাগিলা
দুই চৰণত ধৰি॥৯০
পদ
বৈশম্পায়ন বদতি শুনিয়ো জন্মেজয়।
মাৱৰ চৰণ ধৰি পাৰ্ব্বতী বোলয়॥
শুনিয়োক মাৱ তুমি সবাতো বিদিত।
মোহোৰ নিমিত্তে শোক কৰা অনুচিত॥ ৯১
