পৃষ্ঠা:কমতাপুৰ ধ্বংস কাব্য.djvu/২৯৭

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ কৰা হৈছে
১২৩
প্ৰিয়তমা

নাই!⸻    
নাবাজে!—নাবাজে!
আৰুতো নাবাজে!
আৰু যে নাগাব গান!
পাপৰ অৰ্দ্ধাঙ্গী
গইছে তিয়াগি
ভাঙ্গি অকালত প্ৰাণ!!
অকালে ভাগিছে
বীণা হিতেশৰ
অকালে নীৰৰ আজি!
ভগা বীণা নেকি
আৰু জোৰা খাব
আৰু কি উঠিব বাজি
নহয়!⸻     
প্ৰাণৰ মইনা!
প্ৰাণৰ প্ৰতিমা!
প্ৰাণৰ অৰ্দ্ধাঙ্গী মোৰ!
যি বীণা ভাঙ্গিলা
তুমি অকালত
আৰু সি নাখায় জোৰ
ভগা বীণা খনি
ভগা হৈয়ে ৰ’ল,
গোটেই জীৱন জুৰি!—
মধুময় সুৰে