এই পৃষ্ঠাটোৰ বৈধকৰণ হৈছে
১০৮
বিৰহিণী বিলাপ কাব্য।
নিৰদয় পোকে
কুটিলে কি তোক
শুৱনী গোলাপ পাহি?
চ’তালী ৰদে কি
পেলালে লেৰেলা,
নাহাঁহ মধুৰ হাহি?
বাসন্তী কুলিৰ
‘কুউ’ শবদত
নহয় শীতল প্ৰাণ!
(তোৰ) মউসনা কথা
আধা আধা ফুটা
অমৰা পুৰৰ গান!
পূৰ্ণীমাৰ জোন
নহয় ধুনীয়া
তাতো কলঙ্কৰ ছিন!
তোৰ যে মুখনি
কেনুৱা শুৱনী
কাৰেনো তুলনা দিম?
মোৰ সংসাৰৰ
শুৱনী গোলাপ
নিলে কোনে আজি হৰি?
কিয় অকস্মাত
শুন্দৰ ফুলনী
পৰিলে আন্ধাৰে ভৰি?
