এই পৃষ্ঠাটোৰ বৈধকৰণ হৈছে
ৰুণ ঝুণ কৰে নূপুৰ বাজে।
উৎসৱ কৰি মল্ল বাদ্য বাজে॥
অঙ্গ ভঙ্গী কৰি তাহাৰ চেৱে।
কৰন্ত নৃত্য অতি আদি দেৱে॥
দেখিয়া সমাজে তুলিল হাসি।
কৰে সাধুবাদ দন্ত প্ৰকাশি॥
সবে ৰঙ্গ ভৈল কংসত বাজে।
হৰি চৰিত্ৰক শুনা সমাজে॥
কেতিক্ষণ পৰা ধৰিলে কালে।
মনুষ্য জন্ম নেনা আলেজালে॥
শঙ্কৰে কহে এৰা আন কাম।
ঘুষিয়ো ঘনে ঘনে ৰাম ৰাম॥
⸻⸺
ঘোষা॥ এ হৰি ৰাম নিৰঞ্জন যদুপতি।
তুমিসে মাধৱ মোৰ অগতিৰ গতি
মাৰিলন্ত কৃষ্ণে যেবে বৰ বৰ মাল।
মল্ল-বাদ্য বাইবে নিষেধিলে কংস কাল॥
