পৃষ্ঠা:কংস বধ.djvu/২৫

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

পাছে মথুৰাৰ সমীপ পাই।
নামিল ৰাম কৃষ্ণ দুয়ো ভাই॥
অক্ৰুৰৰ হাতে ধৰিয়া হৰি।
বুলিলা হেন বাণী হাস্য কৰি॥
ৰথ লৈয়া আগে চলিয়ো ঘৰ।
পাছেসে পশিবোঁ আমি নগৰ॥
ইঠাইতে আমি জিৰাওঁ গোপজাক।
শুনিয়া অক্ৰুৰে বুলিলা বাক॥
তোমৰা দুভাইক এৰিয়া স্বামী।
নযাইবোঁ নযাইবোঁ গৃহক আমি॥
নকৰা নাথ ভকতক ত্যাগ।
কোটি পুৰুষৰ মিলোক ভাগ॥
গৃহক মোৰ চলা দুয়োভাই।
পবিত্ৰ কৰিয়ো পদধূলায়॥
শিৰত ধৰি তবু পাদোদক।
লভিলা বলি মহা ঐশ্বৰ্য্যক।
পাইলেক পৰম জ্ঞানীৰ গতি।
ভকতক দয়া কৰা সম্প্ৰতি॥