এই পৃষ্ঠাটোৰ বৈধকৰণ হৈছে
ৰত্নৰ নূপুৰে অতি ৰঞ্জিত।
যাত ভকতৰ সদায় চিত্ত॥
সুনন্দ নন্দ আদি কৰি পাছে।
চৌপাশে পাৰিষদে সেবি আছে॥
শঙ্কৰ ব্ৰহ্মা যত প্ৰজাপতি।
কৰযোৰে সবে কৰন্ত স্তুতি॥
আপুনি লক্ষ্মী আৰাধন্ত পাৱ।
অক্ৰুৰে দেখি শিহৰাইল গাৱ॥
আনন্দতে পৰে নেত্ৰৰ পানী।
কণ্ঠৰো নোলায় গ্দগ্দ বাণী॥
পৰম ভক্তি কৰি মহাভাগে।
কৃতাঞ্জলি কৰি পৰিল আগে॥
⸻⸻
ঘো॥ মধৱ ৰাম মুকুন্দ মূৰাৰি॥৯১॥
শিৰে প্ৰণামি পাছে দানপতি।
কৰিবে লাগিল অনেক স্তুতি॥
নমো নাৰায়ণ কৰোঁহো সেৱ।
স্ৰষ্টাৰ স্ৰষ্টা তুমি আদি দেৱ॥
